Retour à la page d'accueil

AD62 4E73/628 1696-1702 f°114v°-f°115r°

En marge: Idem

Anne Seller veuve d'Antoine Mattelin et Jacques Framery son fils demt au Biez ont // baillie et accordé a tiltre de bail et louage a Jean Martin treize messures de terres a la fosse gilliet nomé les terres Jacques Bouchu, six quarterons a la fosse gilliette, six quarterons au chemin d'Embry quatre messures au dessus de fortel venant dalmandy cinq quarterons audit lieu le tout bien cognu aud. preneur pour par luy en jouir le temps d'un ans, des quattre mesures et demie a la fosse gilliette et de la mesure et demie au chemin d'Embry le temps de trois ans, et de trois messures moins un quarterons le temps de deux ans a entrer en jouissance au mimars prochain moyennant rendre et payer par chacun an ainsy que ledit preneur promet et s'oblige audit baillieurs acceptant scavoir de quattre messsures six livre chacune mesure et des autres cinq livre dix sols chacune mesure par chacun an a deux termes tels que Saint Remy et noel par moytye dont la premiere année de payement sera et eschera a pareille jour de Saint Remy et Noel prochains et ainsy continuer d'an en an auxd. termes ce bail durant, pardessus lequel rendage et sans diminution ledit preneur s'oblige de payer touttes taille cenme et autre imposition quelconque ne poura les desoller, promettant ce que dessus dit tenir entretenir payer et accomplir soub l'obligation de leurs biens eslizant domicille a la halle de Hesdin accaptant a juges messieurs du Conseil d'Artois et autres inferieurs renonchant a toutte chose contraire ft et passé au Biez le cinquiesme jour de xbre mil six cent quattre vingt dix huit pardevant les nottaires royaux soubsignes avecq les partis apres qu'il a esté dit que le preneur se contente de partis pour treize mesure sans que les baillieurs soient tenus a aucun mesurage marq de ladite Anne Seller et signé Jacq. Framery marq dudit Jean Martin et comme nott. J.Cornuel et F.Viollette

Controlle a Fruge le 9e decembre 1698 receu deux sols six deniers estoit signé Delerue

J.Cornuel